يا بحر مالك حزين؟؟؟؟

يا بحر مالك حزين يا شط مالك جريح

بتبكى على المظلومين ولا على المجاريح

ولا بتبا كى قلوب مش عارفه ايه مكتوب

يا بحر دا حال الزمن

يا بحر دا طبع البشر

ناس تسرق الاحلام وناس هى اللى تدفع الثمن

ماهو طول ما فى انسان بيكره ضحكه الانسان

الحب لازم يتوه فى الاسم والعنوان

و أزى نفكر فى بكره واحنا مش قادرين

نهرب من الماضى ولا نسابق الاحزان

مشوار عجيب من اوله

مكتوب علينا نكمله

وعشان يعيش الورد

الشوك لازم نتحمله